#你有咩資格嗌攰嗌辛苦
最近我每日都會經過呢度，會見到呢個婆婆駝住背，拖住一大堆一大堆嘅紙皮同發泡膠，
今晚我見到佢攰到坐喺發泡膠箱上面瞓着咗。
而我呢？一早起身四圍頻撲、搬搬抬抬、
又做咗好多嘢...真係好攰...
但當我啱啱又再見到呢個婆婆嘅時候，
我問咗自己一句 「你有咩資格嗌攰？」
我唔知呢個婆婆同大家背後嘅故事係點，
社會上好多人都為咗自己嘅生活靠自己一雙手努力拼搏，為嘅都係三餐温飽、有個住嘅地方、有更好的生活...
希望我可以繼續用自己嘅能力，
幫下有需要嘅人，一人做少少，世界就會更美好♥️
#至少令我哋居住嘅地方更美好♥️
#心痛